«Լուսավոր Հայաստան» կուսակցության նախագահ Էդմոն Մարուքյանը «Ֆեյսբուքի» իր էջում գրել է.
«ՀՀԿ-ից շարունակում են «լուրջ» պայքար մղել, փնտրել և ներկայացնել իրենց մի քանի մանդատը վայր չդնելու հիմնավորումներ: Երբ մենք վայր դրեցինք մանդատները, այդ ժամանակ ԵԽԽՎ-ում ես ունեի երեք առանցքային պաշտոն, որոնք Հայաստանը ներկայացնող որևէ այլ պատվիրակ չուներ.
- ԱԼԴԵ (Եվրոպայի ազատականների և ժողովրդավարների դաշինք կուսակցություն) խմբից Մարդու իրավունքների եվրոպական դատարանի դատավորների ընտրության հարցերով հանձնաժողովի և Եվրոպայի խորհրդի անդամ պետությունների պարտականությունների և պարտավորությունների կատարման հանձնաժողովի (Մոնիթորինգի հանձնաժողով) մշտական անդամ էի,
որպես ՀՀ պատվիրակ Հավասարության և խտրականության արգելքի հանձնաժողովի մշտական անդամ էի,- Եվ, վերջապես, ԱԼԴԵ քվոտայով ընտրվել էի ԵԽԽՎ Մարդու իրավունքների և իրավական հարցերով հանձնաժողովի նախագահի առաջին տեղակալ։
Ինչու՞ եմ հիմա այս ամբողջ պատմությունը պատմում, որ երբ պահն եկավ, որ իմ պետության քաղաքական ճգնաժամը հանգուցալուծվի, մենք բացարձակ չկառչեցինք այդ պաշտոններից»:
![](https://radar-bucket-prod.s3.eu-central-1.amazonaws.com/media/articles/files/0627247f447418ab7341b69890ac3befaeebd6.jpg)