Ուրցաձորի համայնքապետարանում ազատման դիմումներ են գրել. «Հրապարակ»
Մամուլ
2 Փետրվարի 2022, 8:46
«Հրապարակ» օրաթերթը գրում է. «Ուրցաձորի համայնքապետարանի աշխատակիցները, ի նշան բողոքի, աշխատանքից ազատման դիմումներ են գրել։ Վեդիի համայնքապետի ԺՊ Գարիկ Սարգսյանն ազատել է Ուրցաձորի համայնքապետ Ռաֆիկ Անդրեասյանին եւ մի շարք ընդդիմադիր համայնքապետերի եւ ԺՊ-ներ նշանակել։ Անդրեասյանը բողոքարկել է որոշումը, աշխատակազմը հրաժարվել է աշխատել ԺՊ-ի հետ։ Անդրեասյանը մեզ ասաց, որ առաջին անգամ իր ենթակաները հրաժարվել են լսել իր հորդորը եւ շարունակել աշխատանքը։
Վեդի խոշորացված համայնքի ընտրությունները կայանալու են մարտի 27-ին, իշխանությունը քրտնաջան պատրաստվում է դրան, Սարգսյանն անգամ ուսանողներին անվճար ավտոբուս է տրամադրել, որ իրեն ձայն տան»:
Հետևեք մեզ Telegram-ում
