YouTube-ը հայտարարել է նոր գործիքների գործարկման մասին։ Shorts տեսանյութերում այժմ հնարավոր է օգտագործել արհեստական բանականությամբ գեներացված ստիկերներ։ Օգտատերերը կարող են տեքստից ստեղծել պատկերներ կամ ստիկերներ պատրաստել իրենց հեռախոսի պատկերասրահից։
Նորամուծությունը ներկայումս հասանելի է Android օգտատերերին՝ ԱՄՆ-ում, Կանադայում, Նոր Զելանդիայում և Ավստրալիայում, իսկ առաջիկայում կգործարկվի նաև այլ երկրներում։ Բացի այդ, YouTube-ն ուղիղ եթերում ներկայացնում է հարցումներ ստիկերների տեսքով։ Նոր գործիքը թույլ է տալիս ավելացնել էկրանին երևացող հարցումներ՝ ընտրելով գույնը, չափսը, տեքստը և մինչև չորս պատասխան տարբերակ։ Այն հասանելի կլինի Android և iOS օգտատերերին՝ ողջ աշխարհում, առաջիկա շաբաթներին։
