Տեխնէ
Mistral AI-ն հայտարարում է նոր գործընկերության և խոշոր ֆինանսավորման մասին
Ֆրանսիական արհեստական բանականության ստարտափ Mistral AI-ն հայտարարել է երրորդ փուլի ֆինանսավորման ավարտի մասին։ Ընկերությանը հաջողվել է ներգրավել 1.7 միլիարդ եվրո, ինչի արդյունքում նրա շուկայական արժեքը հասել է 11.7 միլիարդ եվրոյի։
Այս զարգացումը դիտարկվում է երկու ուղղությամբ. մի կողմից, լեզվի մշակման խոշոր մոդելներ ստեղծող Եվրոպայի միակ ընկերությունը գրանցում է զգալի առաջընթաց, մյուս կողմից՝ այն ստիպված է մրցել միջազգային հսկաների հետ՝ հաշվի առնելով ամերիկյան OpenAI, Anthropic, ինչպես նաև Google-ի և Meta-ի կողմից արվող բազմամիլիարդանոց ներդրումները։
Նշանակալի է նաև այն հանգամանքը, որ Mistral AI-ն նոր փուլում համագործակցում է եվրոպական ընկերության հետ։ Նախորդ փուլերում ֆինանսավորումը հիմնականում ապահովվել էր ամերիկյան հիմնադրամների մասնակցությամբ, որոնք ներգրավված են նաև այս անգամ։
«Mistral AI-ի և ASML-ի համագործակցությունը կհանգեցնի զգալի առավելությունների ASML-ի հաճախորդների համար՝ ապահովելով նորարարական արտադրանքներ և ԱԲ-ի միջոցով հնարավոր դարձած լուծումներ», – նշել է ASML-ի գլխավոր տնօրեն Քրիստոֆ Ֆուքեն։ Նրա ղեկավարած ընկերությունը 2024 թվականին գրանցել է 28 միլիարդ եվրո եկամուտ։
