Չինաստանը մտադիր է հունիսի վերջին փորձարկել 7000 կմ հեռահարությամբ Jiu Tian անօդաչու թռչող սարքը, որն ունակ է մինչև 100 փոքր անօդաչու թռչող սարք արձակել․ հաղորդում է ՉԺՀ կենտրոնական հեռուստատեսությունը։
ԱԹՍ -երի առաջին փորձարկումից հետո կանցկացվեն ևս մի քանի փորձարկումներ, նախքան դրանք կհանձնվեն բանակին:
Jiu Tian-ն առաջին անգամ ներկայացվել է Չժուհայի չինական ավիաշոուում՝ անցյալ տարվա նոյեմբերին:
Դրոնը կարող է կրել մինչև 6 տոննա զինամթերք և փոքր անօդաչու թռչող սարքեր։ Թռիչքի առավելագույն քաշը 16 տոննա է, թևերի բացվածքը՝ 25 մետր։ Այն ունակ է թռչել ավելի բարձր, քան աշխարհում գոյություն ունեցող միջին հեռահարության ՀՕՊ համակարգերը: Դրոնի ֆյուզելյաժի երկու կողմերից էլ հնարավոր է նետել մինչև 100 միավոր արգելակող զինամթերք կամ փոքր անօդաչու թռչող սարքեր, ներառյալ՝ կամիկաձե-դրոններ, ինչն ընդլայնում է դրանց գործողության շառավիղը։
Անօդաչու թռչող սարքը կարող է կատարել հետախուզական, դիտարկման և տվյալների հավաքագրման, ռադիոէլեկտրոնային պայքարի առաջադրանքներ: Այն կարող է օգտագործվել նաև տարբեր նպատակների համար՝ փոխադրում ավելացված բարդության և անվտանգության պայմաններում, հասարակական կարգի և սահմանների պաշտպանություն, ծովային պարեկություն, արտակարգ իրավիճակներում մասնակցություն, բնական ռեսուրսների պաշտպանություն և այլ ոլորտներում:
China will launch its 1st drone mothership next month.
— Visegrád 24 (@visegrad24) May 18, 2025
The Jiutian SS-UAV will have a maximum take-off weight of 15 ton and a 25 meter wingspan. Its cruising altitude is said to be 15 km & its range 7000 km
It will carry more than 100 FPV drones for AI coordinated swarm attacks pic.twitter.com/SFHpKpX3x8
