Ճապոնական Nissan Motor ավտոընկերությունը կդադարեցնի Infiniti QX50 և QX55 ամենագնացների նոր պատվերների ընդունումը ամերիկյան շուկայի համար: Պատճառը ԱՄՆ-ի կողմից սահմանված մաքսատուրքերն են։
Reuters-ի տվյալներով՝ նշված մոդելներն արտադրվում են Մեքսիկայում: Infiniti-ի արտադրությունից հրաժարվելու ֆոնին, ընկերությունը որոշել է երկու հերթափոխով արտադրել Rogue ամենագնացը Թենեսի նահանգի Զմյուռնիա քաղաքում:
Ավելի վաղ ԱՄՆ նախագահ Դոնալդ Թրամփը հայտարարել էր, որ մեքենաների ներկրման համար 25%-ի չափով մաքսատուրքեր կսահմանվեն: Ընդ որում, Infiniti QX50-ի և QX55-ի արտադրությունը, որոնք նախատեսված են այլ շուկաների համար, կշարունակվի:
Թրամփի սակագնային քաղաքականությունը մտահոգություն է առաջացնում Ճապոնիայում, հատկապես կապված ավտոմեքենաների ներմուծման մաքսատուրքերի հետ, որոնք կազմում են մոտ 28%-ը Նահանգներ ճապոնական արտահանման մեջ: Սպիտակ տան ղեկավարը նաև հայտարարել է, որ ԱՄՆ-ն ներմուծվող բոլոր ապրանքների համար մաքսատուրքերի նվազագույն դրույքաչափ կսահմանի 10%-ի չափով:
