Սպասվում է, որ առաջիկայում Tesla-ն կհայտնի առաջին եռամսյակում մեքենաների վաճառքի նվազման մասին։
Tesla-ի գործադիր տնօրեն Իլոն Մասկը խոստացել է վերականգնել աճը, սակայն հին մոդելների պահանջարկի նվազումն ու քաղաքական դիրքորոշման դեմ արձագանքները դժվարացնում են դա:
ԱՄՆ-ում և Եվրոպայում Tesla-ի խանութներում բողոքները հաճախակիացել են։ Որոշ տվյալներ վկայում են, որ աճել է Tesla ունեցողների կողմից մեքենաները վաճառելու դեպքերը։
Ներդրողներն սպասում են՝ արդյոք նորացված մոդելները, օրինակ՝ Model Y-ը, կօգնեն դիմակայել Չինաստանի մրցակիցների, այդ թվում՝ BYD-ի և եվրոպական մրցակիցների, ինչպիսիք են Volkswagen-ը և BMW-ն, կատաղի մրցակցությանը:
Վերլուծաբանները սպասում են, որ Tesla-ն կհայտնի այս տարի մոտ 372․410 մեքենայի վաճառքի մասին, մինչդեռ անցյալ տարի այդ թիվը 386․810 էր։
