Google-ը մտադիր է երեխաների համար արհեստական բանականության (AI) Gemini ծառայությունների հատուկ տարբերակ թողարկել, հայտնում է Android Authority պարբերականը։
Մեդիա-փորձագետներն ուսումնասիրել են Android-ի համար նախատեսված Google հավելվածի կոդը (16.12.39 տարբերակ) և հայտնաբերել մի քանի տող, որոնք ակնարկում են երեխաների համար արհեստական բանականության հատուկ տարբերակի մասին: Այդ թվում՝ կոդում նշված է «օգտատերեր-երեխաներ»։
Պարբերականի լրագրողները ենթադրում են, որ Gemini-ն երեխաներին թույլ կտա օգտագործել նեյրոցանցային ծառայություններ իրենց սմարթֆոններով։ Մասնավորապես, նրանք կկարողանան պատմություններ ստեղծել AI-ի հետ, լուծել դպրոցական խնդիրներ և աջակցություն ստանալ զարգացման ու ուսման համար:
Աղբյուրում նշվում է, որ Gemini չաթ-բոտն արդեն իսկ կարող է կատարել տարբեր առաջադրանքներ փոքր տարիքի օգտատերերի համար, սակայն «մանկական» տարբերակը կունենա ավելի խիստ ցենզուրա։ Մասնագետները ենթադրում են, որ նման չաթ-բոտը կկարգավորվի այնպես, որ օգտատերերի որևէ բովանդակություն չհայտնվի համացանցում:
«Դեռևս պարզ չէ, թե ինչպես է Google-ը կիրառելու Gemini-ն երեխաների համար։ Ենթադրվում է, որ այս ռեժիմն ավտոմատ կմիանա, եթե կապված Google հաշիվը պատկանի երեխային»,- եզրակացրել են հեղինակները։
