Բիթքոինի ներդրողը, որը SpaceX-ից թռիչք է գնել իր և 3 բևեռային հետազոտողի համար, երկուշաբթի առաջին հրթիռային ճանապարհորդությանն է մեկնել։ Նա անցնելու է Հյուսիսային և Հարավային բևեռների վրայով:
Չինաստանում ծնված ձեռնարկատեր Չուն Վանգը ուղեծիր է դուրս եկել ՆԱՍԱ-ի Քենեդիի տիեզերական կենտրոնից: SpaceX-ի Falcon հրթիռը, Ատլանտյան օվկիանոսի վրայով շարժվելով դեպի հարավ, տիեզերական զբոսաշրջիկներին ուղղել է դեպի մի ճանապարհ, որն աննախադեպ է մարդկային տիեզերական թռիչքների 64-ամյա պատմության մեջ:
Վանգը չի հայտնել, թե որքան է վճարել Իլոն Մասկի SpaceX-ին 3,5-օրյա այս բևեռային արկածի համար:
Նրանց թռիչքի առաջին փուլը՝ Ֆլորիդայից դեպի Հարավային բևեռ, տևել է ընդամենը կես ժամ: Մոտ 270 մղոն (440 կիլոմետր) բարձրությունից նրանց լիովին ավտոմատացված պարկուճը կպտտվի Երկրի շուրջ մոտ 1,5 ժամում, ընդ որում՝ բևեռից բևեռ թռիչքը կտևի 46 րոպե:
«Վայելեք բևեռների տեսարանները: Ուղարկեք մեզ մի քանի նկար», - հաղորդել է SpaceX-ի թռիչքի կառավարման կենտրոնը, երբ պարկուճը հասել է ուղեծիր: