SpaceX ընկերության ղեկավար Իլոն Մասկը փորձել է խանգարել Apple-ին iPhone-ում արբանյակային կապի գործառույթը տարածելու հարցում, հայտնում է The Wall Street Journal (WSJ): Apple-ի՝ արբանյակային կապի հզորություններն ընդլայնելու ջանքերը զայրացրել են Մասկին: Նա կարծում է, որ Apple-ը կարող է խոչընդոտել իր Starlink արբանյակային ինտերնետ ծառայության զարգացմանը: Իրավիճակին ծանոթ աղբյուրների համաձայն՝ Apple-ն ու SpaceX-ը վիճում են՝ չնայած նրան, որ երկուսն էլ նույն նպատակն ունեն՝ վերացնել բջջային կապի կույր կետերը ԱՄՆ-ում:

iPhone-ի արտադրողը մեծ ներդրումներ է կատարում արբանյակային հաղորդակցության մեջ, ինչը օգտատերերին հնարավորություն է տալիս կապի մեջ մնալ այն վայրերում, որտեղ ավանդական անլար ազդանշաններն անհասանելի են: Մինչդեռ Մասկի SpaceX-ն արձակել է ավելի քան 550 արբանյակ՝ Starlink ծառայության միջոցով բջջային կապ ապահովելու համար:

Հերթական սկանդալը կապված է նրա հետ, որ Apple-ի գործընկեր Globalstar-ը Կապի դաշնային հանձնաժողովից (FCC) խնդրել է ընդլայնել արբանյակային կապի հաճախականությունների սպեկտրը: Շուտով SpaceX-ը FCC-ից պահանջել է մերժել Globalstar-ի հայտը: WSJ-ի հետ զրուցած մասնագետները նշել են, որ Apple-ն ու SpaceX-ը մրցում են սահմանափակ ռադիոհաճախականությունների համար: Ավելի վաղ ընկերությունները քննարկել էին iPhone-ին Starlink-ին ուղղակիորեն միացնելու և T-Mobile օպերատորի միջոցով համագործակցելու հնարավորությունը, սակայն Apple-ը շարունակել է օգտվել նաև Globalstar-ի ծառայություններից:

«Սերբիայի և Հունգարիայի պաշտպանության նախարարությունները 2025 թվականի համար նախատեսել են աննախադեպ թվով՝ 79 համատեղ միջոցառումներ, ներառյալ զորավարժություններ: Համեմատության համար՝ 2023-ին դրանք եղել են 48: Այս համատեղ գործունեության մասին պայմանագիրը կնպաստի Սերբիայի և Հունգարիայի միջև ռազմական դաշինքի կամ միության ստեղծմանը»,- ասել է Վուչիչը: