Տեխնէ
Windows 11-ում կհայտնվի 44 լեզուներով խոսակցական խոսքի թարգմանության գործառույթ
Microsoft-ը գործարկել է Windows Roadmap կայքը՝ Windows օպերացիոն համակարգի (ՕՀ) նոր գործառույթներին հետևելու համար. ասվում է ընկերության բլոգում։
Windows Roadmap-ը նվիրված է Windows 11-ի նոր գործառույթներին և հնարավորություններին: Ընկերության ներկայացուցիչների խոսքով՝ իրենք նման ծառայություն են գործարկել, քանի որ ՏՏ մասնագետների հետ զրույցում լսել են ՕՀ-ի մշակման հարցում ավելի մեծ թափանցիկության անհրաժեշտության մասին: Windows Roadmap-ի միջոցով դուք կարող եք տեսնել, թե որ գործառույթներն արդեն հասանելի են օպերացիոն համակարգում փորձարկման փուլում և երբ դրանք կհայտնվեն հանրային տարբերակներում:
Կայքում նշված է, որ ապրիլին Windows 11-ում կհայտնվի 44 լեզուներով խոսակցական խոսքի թարգմանության գործառույթ. այն կաշխատի Copilot-ով աշխատող համակարգիչների վրա: Բացի այդ, Windows Roadmap-ում նշվում է, որ արհեստական բանականության միջոցով լուսանկարների չափը մեծացնելու Super Resolution գործառույթն արդեն հասանելի է Copilot-ով աշխատող նոր սարքերում:
Նոր կայքը պարունակում է հրապարակման կանխատեսվող ամսաթվերն ու հրապարակվող ֆունկցիաների նկարագրությունները: Եթե գործառույթը կամ արտադրանքը չեղյալ հայտարարվի կամ հետաձգվի, ապա տեղեկատվությունը կհեռացվի այս կայքից:
