OpenAI-ի և MIT Media Lab-ի համատեղ ուսումնասիրությունը ցույց է տվել, որ ChatGPT-ի երկարաժամկետ օգտագործումը կարող է հանգեցնել օգտվողների կախվածության: Մասաչուսեթսի տեխնոլոգիական ինստիտուտի գիտնականները հարցում են անցկացրել հազարավոր մարդկանց շրջանում և պարզել, որ օգտվողների մի փոքր խումբ, ովքեր հաճախ և երկար ժամանակ շփվում են chatbot-ի հետ, ցույց են տալիս խնդրահարույց վարքի նշաններ: Դա արտահայտվում է անհանգստության, հեռացման ախտանիշների, վերահսկողության կորստի և տրամադրության փոփոխության տեսքով, ինչը վկայում է հուզական կապի մասին:
Հետազոտողները նշել են, որ օգտվողները, ովքեր ավելի շատ ժամանակ են անցկացնում ChatGPT-ի հետ, ավելի հավանական է, որ այն ընկալեն որպես ընկեր, հատկապես, եթե նրանք իրենց միայնակ կամ անհանգստացած են զգում: Բացի այդ, հուզական կախվածությունն ավելի ուժեղ է եղել նրանց մոտ, ովքեր chatbot-ը օգտագործում են մտահղացման կամ հարցերի պատասխաններ գտնելու նպատակով, համեմատած նրանց, ովքեր ChatGPT-ն օգտագործում են «անձնական» նպատակներով, օրինակ՝ հույզերի և հիշողությունների քննարկման համար:
Ուսումնասիրության եզրակացությունները ընդգծում են, որ ChatGPT-ի երկարաժամկետ օգտագործումը մեծացնում է կախվածության ռիսկը՝ անկախ փոխազդեցության տեսակից: Սա հատկապես նկատելի է սոցիալական կապերի պակաս ունեցող մարդկանց շրջանում, ինչը կարող է հանգեցնել խորը պարասոցիալական հարաբերությունների ձևավորմանը AI-ի հետ: Գիտնականները նախազգուշացնում են, որ նման միտումները կարող են առաջացնել բացասական հույզեր, ներառյալ վախ և տխրություն, և պահանջում են հետագա ուսումնասիրություն chatbot-երի ազդեցության վրա հոգեբանության ոլորտում։
