Տեխնէ
Իլոն Մասկը 97 միլիարդ դոլարով ցանկանում է ձեռք բերել OpenAI-ի վերահսկողությունը
Իլոն Մասկի ղեկավարած կոնսորցիումը հայտարարել է, որ 97,4 միլիարդ դոլարով առաջարկել է գնել կազմակերպությունը, որ վերահսկում է OpenAI-ն։ Այս քայլը Մասկի հերթական փորձն է խոչընդոտելու, որ արհեստական բանականության ստարտափը վերածվի շահույթ հետապնդող ընկերության։
Մասկի այս առաջարկը կարող է էլ ավելի սրել նրա երկարամյա հակասությունները OpenAI-ի գործադիր տնօրեն Սեմ Օլթմենի հետ։
Օլթմենն անմիջապես արձագանքել է X-ում՝ գրելով. «Ոչ, շնորհակալություն, բայց եթե ցանկանում եք, մենք կարող ենք գնել Twitter-ը 9,74 միլիարդ դոլարով»։
Մասկը 2015 թվականին Օլթմենի հետ միասին հիմնադրել է OpenAI-ն որպես ոչ առևտրային կազմակերպություն, սակայն ավելի ուշ լքել է այն՝ մինչ ընկերությունը սկսել է արագ աճել։ 2023 թվականին նա հիմնադրել է xAI ստարտափը, որը նույնպես զբաղվում է արհեստական բանականության մշակմամբ։
