App Store-ում հայտնվել է Baldur's Gate 3-ի կեղծ տարբերակը iPhone-ի եւ iPad-ի համար, որը գողանում է օգտատերերի անձնական տվյալները եւ փորձում նրանցից գումար ստանալ։ Այս մասին հայտնում է AppleInsider պորտալը։
Նշվում է, որ կեղծ խաղը հասանելի է անվճար ներբեռնման համար, սակայն տեղադրումից հետո օգտատերին խնդրում են բաժանորդագրվել 30 դոլարով, իսկ վճարումից հետո ոչինչ չի լինում։
Նշվում է նաև, որ նույնիսկ հավելվածը տեղադրվելուց անմիջապես հետո ջնջելը չի խանգարում օգտատիրոջ մասին տեղեկատվության հավաքագրմանը, այդ թվում՝ նրա IP հասցեն։ Ուստի մասնագետները խորհուրդ են տալիս անգամ հետաքրքրությունից դրդված չներբեռնել այս և նմանատիպ հավելվածները։
Baldur's Gate 3-ը երբեք չի թողարկվել շարժական սարքերի համար: Larian Studios-ը չի պլանավորում խաղը տեղափոխել սմարթֆոններ և պլանշետներ: Նախագիծը պաշտոնապես հասանելի է միայն macOS-ում Apple M1 չիպով կամ ավելի նոր սարքերով, Windows, PlayStation 5 և Xbox Series X/S սարքերում:
Baldur's Gate 3-ը դերային վիդեո խաղ է, որը մշակվել է բելգիական Larian Studios-ի կողմից՝ հիմնված Dungeons & Dragons սեղանի դերային խաղի վրա։ Նախագիծը համընդհանուր գնահատանք է ստացել քննադատների և խաղացողների կողմից, ինչպես նաև արժանացել է բազմաթիվ մրցանակների և դարձել պատմության մեջ առաջին խաղը, որը մրցանակներ է նվաճել «Տարվա խաղ» անվանակարգում արդյունաբերության հինգ առաջատար արարողությունների ժամանակ՝ Golden Joystick Awards, The Game Awards, D.I.C.E, Game Developers Choice Awards և BAFTA Games Awards:
