Apple ընկերությունն այսօր՝ սեպտեմբերի 9-ին, պատրաստվում է թողարկել iPhone-ի նոր սերունդ։ Տեխնոհսկան կցուցադրի միանգամից մի քանի նորույթ, այդ թվում՝ iPhone 16 շարքը։ Շնորհանդեսի գլխավոր արտադրանքը կլինեն ընկերության նոր սմարթֆոնները՝ iPhone 16-ը, iPhone 16 Plus-ը, iPhone 16 Pro-ն և iPhone 16 Pro Max-ը։
Սմարթֆոնների վրա տեսախցիկի կոճակ կավելացվի։
Ընկերությունը պատրաստվում է ցուցադրել նաև խելացի ժամացույցների 10-րդ սերունդը։ Դրանց առանձնահատկությունը բժշկական ֆունկցիան է։ Ինսայդերների տվյալներով՝ Apple Watch-ում կթարմացվի սենսորը, որը թույլ է տալիս հայտնաբերել քնի ապնոեն։
Կներկայացվեն նաև 4-րդ սերնդի AirPods-ի երկու տարբերակները։ Ըստ ինսայդերների՝ կցուցադրվի նաև AirPods Max 2-ը: Դրանցում կբարելավվի աղմուկի չեղարկումը և կավելացվի USB-C միակցիչ։ Apple-ի սարքերի օգտատերերը կկարողանան նաև տեղեկանալ՝ երբ կթողարկվեն iOS 18-ի, iPadOS 18-ի և watchOS 11-ի վերջնական տարբերակները։ Բացի այդ, մանրամասներ կհաղորդվեն Apple Intelligence AI-համակարգի մասին։
