Սմարթֆոնը բարձի տակ լիցքավորելիս օդի շրջանառությունը վատանում է, ինչի պատճառով սարքը գերտաքանում է և մեծացնում հրդեհի վտանգը։
Այս մասին NEWS.ru-ին տված հարցազրույցում ասել է Կրթության պետական համալսարանի թվային զարգացման եւ տեղեկատվական տեխնոլոգիաների գծով պրոռեկտոր Վիտալի Սավչենկոն։
Սավչենկոն ընդգծում է, որ սմարթֆոնը բարձի տակ լիցքավորելու համար թողնելը չափազանց վտանգավոր է։ Մարտկոցի գերտաքացումը կարող է հանգեցնել դրա բռնկման, ինչը լուրջ վտանգ է ներկայացնում առողջության և կյանքի համար: Բացի այդ, բարձի նյութերը շատ դյուրավառ են, ինչը մեծացնում է հրդեհի վտանգը:
Փորձագետը նաև նշում է, որ գաջեթները ցածր ջերմաստիճանում լիցքավորելը դանդաղեցնում է մարտկոցի քիմիական գործընթացները, ինչը հանգեցնում է դրա հզորության և կատարողականի նվազմանը։ Սառը սարքը տաք սենյակ տեղափոխելիս պատյանի ներսում կարող է խտացում առաջանալ, ինչը կարող է հանգեցնել կարճ միացման:
Սավչենկոն նաև զգուշացնում է ամպրոպի ժամանակ մարտկոցը լիցքավորելու ռիսկերի մասին։ Կայծակը կարող է էլեկտրական ցանցում հոսանքի ալիքներ առաջացնել, ինչը կարող է վնասել լիցքավորիչը և հենց սմարթֆոնը։ Եթե կայծակը հարվածում է էլեկտրահաղորդման գծին, ապա մեկուսացումը կարող է փչանալ և էլեկտրահարել օգտագործողին:
