Google-ի հետ Apple-ի շահութաբեր գործարքը կարող է վտանգվել․ ԱՄՆ դատարանը վճռել էր, որ Alphabet-ը (Google-ի հիմնադիր ընկերությունը) մենաշնորհ ունի որոնման համակարգերի շուկայում: Այս մասին հայտնում է Reuters-ը։
Google-ը կարող է դադարեցնել համաձայնագիրը, որն իր որոնողական համակարգը Apple սարքերի համար դարձնում է լռելյայն՝ դատական տույժերից խուսափելու համար: Ըստ Morgan Stanley-ի վերլուծաբանների՝ Google-ը Apple-ին տարեկան վճարում է 20 միլիարդ դոլար կամ Safari բրաուզերում մատուցվող որոնման գովազդից ստացածի մոտ 36%-ը: Եթե պայմանագիրը խզվի, iPhone արտադրողը կարող է կորցնել շահույթի 4-6%-ը։
