NASA-ի Curiosity մարսագնացը Մարսի վրա մաքուր ծծմբի բյուրեղներ է հայտնաբերել, հաղորդում է ԱՄՆ տիեզերական գործակալությունը։
«Առաջին անգամ մարսագնացը Կարմիր մոլորակի վրա մաքուր ծծմբի բյուրեղներ է հայտնաբերել», - հաղորդում է NASA-ն X սոցիալական ցանցում:
NASA-ն պարզաբանել է, որ թեև Մարսի վրա ծծումբ պարունակող հանքանյութերի առկայությունը վաղուց էր հայտնի, սակայն սա առաջին անգամն է, որ հնարավոր է եղել հայտնաբերել այն իր մաքուր տեսքով։
Ինչպես նշել է NASA-ն, «մաքուր ծծումբը ձևավորվում է միայն որոշակի պայմաններում, որոնք գիտնականները չեն կապել այն վայրի պատմության հետ, որտեղ այն հայտնաբերվել է»։
