Տեխնէ

Ուկրաինայի ատոմակայանները. ո՞րն է անցել ռուսական վերահսկողության

Ուկրաինայում սրվող ռազմական գործողությունների համատեքստում ավելի ու ավելի է կարևորվում միջուկային անվտանգության խնդիրը՝ նկատի ունենալով, որ պատերազմական գոտում կան մի շարք ատոմակայաններ, իսկ պատերազմի կողմերից մեկը ատոմային հսկա կարողություններ ունեցող պետություն է։ Radar Armenia-ն ներկայացնում է Ուկրաինայի ատոմակայանները, դրանց բնութագրերը, ներկայիս իրավիճակն ու պատերազմի հետևանքները։

Ուկրաինայի տարածքում կա 9 ատոմակայան, որոնցից գործում է 4-ը՝ ընդհանուր 15 ատոմային ռեակտորներով։ Չեռնիգովի ատոմակայանը կառուցման ընթացքում է, Չեռնոբիլինը՝ վթարված, իսկ մյուս 3-ը՝ Խարկովի, Օդեսայի և Ղրիմի ատոմակայանները, անավարտ են։

Զապորոժիեի ատոմակայան՝ 6 ռեակտոր
Ռիվնեի ատոմակայան՝ 4 ռեակտոր
«Հարավային Ուկրաինա» ատոմակայան՝ 3 ռեակտոր
Խմելնիցկիի ատոմակայան՝ 2 ռեակտոր

1. Զապորոժիեի ատոմակայան

Ամենամեծն է Եվրոպայում և հզորությամբ 5-րդը՝ աշխարհում։
Էներգոդար քաղաքի մոտ է՝ Դնեպր գետի Կախովկա ջրամբարի ափին։
Հզորությունը՝ 6հզ մեգավատ։ Համեմատության համար՝ Մեծամորի 3 ռեակտորների հզորությունը 1375 մեգավատ է։
Կառուցումն սկսվել է 1972թ., իսկ առաջին ռեակտորը շահագործման է հանձնվել 1984թ.։
2022թ. փետրվարի ռուս-ուկրաինական պատերազմի հետևանքով գտնվում է ռուսական ուժերի վերահսկողության տակ։

2. Ռիվնեի ատոմակայան

Վայրը՝ Վարաշ քաղաք, Ռիվնեի շրջան։
Հզորությունը՝ 2728 մեգավատ։
Կառուցումն սկսվել է 1972թ., իսկ առաջին ռեակտորը գործարկվել 1980թ.։
2019թ. հրդեհ բռնկվեց ատոմակայանի տարածքում, ռեակտորները անջատվեցին, ըստ իշխանությունների՝ ռադիացիայի վտանգ չի եղել, իսկ հետագայում ռեակտորը վերագործարկվել է։
Պատկանում է «Էներգոատոմ» ընկերությանը։

3. «Հարավային Ուկրաինա» ատոմակայան

Վայրը՝ Միկոլայիվի շրջան, Հարավային Բուգ գետի ափին։
Հզորությունը՝ 3000 մեգավատ։
Կառուցումը սկսվել է 1976թ., առաջին ռեակտորը գործարկվել 1982թ.։
Հոսանքի խնդիրների պատճառով 2020թ. երրորդ էներգոբլոկը անջատվել է, ռադիացիայի ռիսկ չի եղել, ռեակտորը վերագործարկվել է։
Պատկանում է «Էներգոատոմ» ընկերությանը։