«Lenovo»-ի վերջին թարմացումներն են՝ ավելի արագ աշխատող նոր պրոցեսորները (և՛ Intel-ը, և՛ AMD՝ կախված, թե ինչ մոդել է), կատարելագործված տեսակոնֆերանսի հնարավորությունները՝ շնորհիվ Dolby Voice-ի, և ավելի լավ կապակցումը՝ Wi-Fi 6E-ի միջոցով: Բացի այդ՝ ամեն նոր թողարկվող ThinkPad X13-ը և L շարքի նոթբուքերը ստանում են 15%-ով ավելի լայն հպահարթակ (թաչփադ) և կարող են կազմաձևվել 4G LTE-ի հետ։ ThinkPad X13-ը ստանում է նաև sub-6Ghz 5G-ի թարմացում: Նվազեցնելու համար ընկերության ունեցած ազդեցությունը շրջակա միջավայրի վրա՝ «Lenovo»-ն անցում է կատարում նոր փաթեթավորման, որը պատրաստված է 90%-ով վերամշակված նյութից՝ այնպիսի բաղադրիչների հետ, ինչպիսիք են բարձրախոսների պատյանը և AC հարմարիչները, որոնք պատրաստվում են հետսպառողական, վերամշակված պլաստիկից: 

Նոր ThinkPad X13 Yoga-ն՝ երկուսը մեկում, աջակցում է մինչև 12th-gen Intel Core i7 CPU, ավելի տարածված կաղապարով X13-ը ստանում է հավելյալ աջակցություն՝ Radeon 600M գրաֆիկայով, AMD Ryzen Pro 6000 չիփերի համար: «Lenovo»-ն նաև ներկայացնում է ըստ ընտրության տրամադրվող FHD IR տեսախցիկներ՝ միախառնելու հնարավորությամբ, որն աշխատում է Windows Hello դեմքի նույնականացման հետ, ներառյալ՝ հատուկ տեսախցիկի փեղկով, առավել գաղտնիության համար: Ստանդարտ X13-ը առաջարկում է երկու տարբեր լիցքավորման մարտկոցներ՝ սկզբնադիր 41 Whr և ավելի լայն՝ 54.7 Whr մարտկոց, որը կարող է մեծացնել երկարադիմացկունությունը՝ մինչև 40%-ով: 

ThinkPad L շարքի բոլոր երեք չափերը (13, 14 և 15-դյույմանոց մոդելները) կարող են հագեցած լինել մինչև 12th-gen Intel i7 պրոցեսորներով կամ AMD Ryzen 5000 Pro CPU-ներով, մինչև 32GB RAM-ով, և 1TB PCIe SSD-ներով: Ամենափոքր  ThinkPad L13-ը և L13 Yoga-ն հասանելի են կամ «Thunder Black» կոչվող գունատեսակով կամ նոր «Storm Grey»-ով՝ «Lenovo»-ի երկու L13-ներից փոքր-ինչ բարձր և ավելի պայծառ 16:10 500-nit ցուցադրիչի թարմացմամբ: Իսկ կողքերը նայելու սովորություն ունեցողների համար L13-ը «Privacy Guard» էկրան ունի:

ThinkPad L14-ի և L15 Gen 3-ի համար ընկերությունը վերանախագծել է դրանց շասսիներն՝ ավելի բարակ շրջանակով, որը նվազեցնում է քաշը և մեծացնում համակարգի՝ ընդհանուր առմամբ էկրանի և մարմնի միջև եղած հարաբերակցությունը:  

Այնպես որ, թեև այս նորույթները կատարյալ վերափոխումներ չեն, և՛ ThinkPad X13-ը, և՛ ThinkPad L շարքի մյուս մոդելները ստանում են մի շարք օգտակար հավելումներ, հատկապես, ավելի լավ բջջային կապ փնտրողների համար: ThinkPad L-շարքը պլանավորվում է վաճառքի հանել ապրիլին՝ L13-ի համար 799 դոլար սկզբնական արժեքով, իսկ հունիսին թողարկվելիք X13-ի արժեքը կսկսվի 1119 դոլարից:

 

Գայանե Բաբայան