Universal Music Publishing Group-ը ձեռք է բերել բրիտանացի երգիչ-երգահան Սթինգի երաժշտական ստեղծագործությունների ամբողջական կատալոգը։ Սթինգի հետ համաձայնագիրը վերաբերում է ինչպես նրա ավելի քան 600 երգերի հեղինակային իրավունքին, այնպես էլ երգերի հոնորարներին, ինչը նշանակում է, որ Universal-ը կստանա ապագա բոլոր եկամուտները նրա ստեղծագործության թողարկումներից: Ընկերությունը չի բացահայտում գործարքի արժեքը։ People ամսագիրը հայտնում է, որ գործարքը գնահատվում է 300 մլն դոլար։
Սթինգը սկսել է իր երաժշտական կարիերան The Police-ի կազմում, սակայն 1984 թվականից միայնակ է հանդես գալիս։ Նրա առաջին ալբոմը՝ The Dream of the Blue Turtles-ը, որը թողարկվել է 1985 թվականին, դարձել է պլատինե։
