Սպորտ
Ռոնալդուն կարիերայի ավարտից հետո կտեղափոխվի նորակառույց շքեղ առանձնատուն (ԼՈՒՍԱՆԿԱՐ)
Կրիշտիանու Ռոնալդուն կարող է տեղափոխվել Պորտուգալիայում գտնվող 30 միլիոն ֆունտ ստեռլինգ (30.4 միլիոն եվրո) արժողությամբ առանձնատուն՝ պրոֆեսիոնալ կարիերան ավարտելուց հետո։
Ավարտվել են Լիսաբոնից 30 մղոն հեռավորության վրա գտնվող բացառիկ ափամերձ հանգստավայրում գտնվող շքեղ առանձնատան շինարարական աշխատանքները։ Ֆուտբոլիստի տունը երկրի ամենամեծերից և ամենաթանկերից մեկն է։ Այն ներառում է ստորգետնյա կայանատեղի՝ նրա 12 միլիոն ֆունտ ստեռլինգ (13.8 միլիոն եվրո) արժողությամբ մեքենաների հավաքածուի համար։
Ութ ննջասենյակ ունեցող առանձնատան շինարարությունը տևել է ավելի քան երեք տարի։ Ակնկալվում է, որ «Ալ-Նասրի» հարձակվողը կտեղափոխվի խաղային կարիերան ավարտելուց հետո։
Առանձնատունն ունի հսկայական ապակե լողավազան՝ ստորջրյա անցուղով, որպեսզի հյուրերը կարողանան տեսնել, թե ով է լողում վերևում։ Նախագիծը ներառում է նաև խելացի ջեռուցում, մարզասրահ, փակ և բացօթյա լողավազաններ, մերսման սենյակ և կինոթատրոն։
Կրիշտիանու հինգ երեխաները հասանելիություն ունեն խաղահրապարակին, իսկ նա և իր հարսնացուն՝ Ջորջինան, կարող են հանգստանալ իրենց սեփական մասնավոր լողափում։ Առանձնատունն ունի նաև ոսկե ծորակներ, իտալական մարմար և նույնիսկ Louis Vuitton-ի որմնանկար, որը հատուկ նախագծված է զույգի համար։
Հաղորդվում է, որ Ռոնալդուն փորձել է գոլֆի դաշտ գնել իր նոր տան մոտ՝ ավելի մեծ անվտանգություն ապահովելու համար, սակայն նրա առաջարկը մերժվել է։
