«Ռեալ Մադրիդի» կիսապաշտպան Ջուդ Բելինգհեմը Չեմպիոնների լիգայում «Մանչեսթեր Սիթիից» կրած 2-1 հաշվով պարտությունից հետո խոսել է գլխավոր մարզիչ Խաբի Ալոնսոյի մասին։
«Մենք հիանալի մարզիչ ունենք։ Ես հիանալի հարաբերություններ ունեմ նրա հետ։ Եվ գիտեմ, որ իմ թիմակիցներից շատերն էլ այդպես են մտածում։
Մենք լավ խոսակցություններ ունեցանք թիմի ներսում այն բանից հետո, երբ մի քանի անգամ ոչ-ոքի խաղացինք։ Զգում ենք, որ հաղթահարել ենք անհաջողությունների այս շարքը, բացառությամբ վերջին երկու հանդիպումների։
Ոչ ոք չի հանձնվում, ոչ ոք չի բողոքում։ Մենք շարունակում ենք փորձել լուծել խնդիրները հանդերձարանում, անկախ նրանից, թե ինչ է կատարվում դրանից դուրս։
Մենք ունենք ամեն ինչ, ինչ անհրաժեշտ է իրավիճակը փոխելու համար։ Գուցե մեզ պարզապես մի փոքր հաջողություն է պետք, կամ պետք է թիմի ներսում ինչ-որ բան քննարկենք», - TNT-ին տված հարցազրույցում ասել է Ջուդ Բելինգհեմը։
