Շվեյցարական Նիոնում կայացավ ՈւԵՖԱ Եվրոպայի 2026/27 մրցաշրջանի Մ-17 առաջնության որակավորման առաջին փուլի վիճակահանությունը։
Մեր ընտրանին ընդգրկված է 10-րդ խմբում, որտեղ կմրցի Ֆրանսիայի, Իտալիայի և Լյուքսեմբուրգի հասակակիցների հետ։ ՈւԵՖԱ-ի որոշմամբ 10-րդ խմբի հանդիպումները կկայանան Հայաստանում։
Խմբում առաջին և երկրորդ տեղերը զբաղեցրած թիմերը դուրս կգան A լիգայի երկրորդ փուլ: Մյուսները կխաղան B լիգայի երկրորդ փուլում։ Հանդիպումները կկայանան 2026 թվականի նոյեմբերի 11-17-ը։
