«Լիվերպուլի» վինգեր Մոհամեդ Սալահը չի մեկնի թիմի հետ Իտալիա՝ Չեմպիոնների լիգայի խմբային փուլի «Ինտերի» դեմ արտագնա խաղին մասնակցելու համար։ Այս մասին հայտնել է RMC Sport-ը։
Որոշումը կայացրել են ակումբի ղեկավարությունը և գլխավոր մարզիչ Արնե Սլոտը։
Ֆուտբոլիստը նախկինում քննադատել էր ակումբի վերաբերմունքը իր նկատմամբ, այն բանից հետո, երբ երեք խաղ անընդմեջ դուրս էր մնացել մեկնարկային կազմում։
«Ես այնքան շատ բան եմ արել ակումբի համար, և նրանք ինձ ավտոբուսի տակ են նետում։ Ես հրաժեշտ կտամ Աֆրիկայի ազգերի գավաթից առաջ. չգիտեմ՝ ինչ է լինելու հաջորդը»,- ասել էր նա։
Հիշեցնենք, որ «Ինտեր»-«Լիվերպուլ» խաղը կկայանա վաղը՝ դեկտեմբերի 9-ին, Միլանում։
