«Սանթոսի» հարձակվող Նեյմարը կարող է բաց թողնել տարվա մնացած մասը ծնկի վնասվածքի պատճառով։
«Globo Esporte»-ի տվյալներով՝ բրազիլացին ձախ ծնկի մենիսկի վնասվածք է ստացել։ Նեյմարը անհարմարություն է զգացել ծնկի շրջանում Բրազիլիայի առաջնության 34-րդ տուրում «Միրասոլի» հետ 1-1 ոչ-ոքիից հետո։ Նեյմարը հանդիպմանը գոլի հեղինակ է դարձել։
Ըստ տեղեկությունների՝ Նեյմարը, հավանաբար, չի խաղա մինչև 2025 թվականի վերջը և բաց կթողնի մրցաշրջանի մնացած խաղերը՝ «Սպորտ Ռեսիֆեի», «Խուվենտուդեի» և «Կրուզեյրոյի» դեմ։
35 խաղից հետո «Սանթոսը» բրազիլական Սերիա A-ում 38 միավորով զբաղեցնում է 17-րդ տեղը։
