Ֆրանսիայի հավաքականի և «Պարի Սեն-Ժերմեն» ակումբի հարձակվող Ուսման Դեմբելեն ճանաչվել է «Ոսկե գնդակ» 2025-ի դափնեկիր։ 28-ամյա ֆուտբոլիստը հաղթել է քվեարկության արդյունքներով՝ առաջ անցնելով Լամին Յամալից («Բարսելոնա») և ակումբային թիմակից Վիտինյայից։
Դեմբելեն նշանակալի դեր է խաղացել ՊՍԺ-ի պատմական նվաճման մեջ՝ օգնելով թիմին առաջին անգամ նվաճել ՈւԵՖԱ-ի Չեմպիոնների լիգայի գավաթը։ Բացի դրանից, նա վճռորոշ մասնակցություն է ունեցել նաև Ֆրանսիայի առաջնությունում և Գավաթի հաղթանակներին։ 2024/25 մրցաշրջանն Ուսման Դեմբելեն ավարտել է փայլուն արդյունքով՝ 37 գոլ և 15 գոլային փոխանցում։
«Ոսկե գնդակի» լավագույն տասնյակը
- Ուսման Դեմբելե (Ֆրանսիա, «Պարի Սեն-Ժերմեն»)
- Լամին Յամալ (Իսպանիա, «Բարսելոնա»)
- Վիտինյա (Պորտուգալիա, «Պարի Սեն-Ժերմեն»)
- Մոհամեդ Սալահ (Եգիպտոս, «Լիվերպուլ»)
- Ռաֆինյա (Բրազիլիա, «Բարսելոնա»)
- Աշրաֆ Հաքիմի (Մարոկո, «Պարի Սեն-Ժերմեն»)
- Կիլիան Մբապպե (Ֆրանսիա, «Ռեալ Մադրիդ»)
- Քոուլ Պալմեր (Անգլիա, «Չելսի»)
- Ջանլուիջի Դոննարումա (Իտալիա, «Պարի Սեն-Ժերմեն»)
- Նունու Մենդեշ (Պորտուգալիա, «Պարի Սեն-Ժերմեն»)
Նշենք, որ 69-րդ արարողությունը տեղի է ունեցել սեպտեմբերի 22-ին Փարիզի Շատլե թատրոնում։
