Հայազգի թենիսիստ Կարեն Խաչանովը կմնա Ռուսաստանի առաջատարը Տղամարդկանց պրոֆեսիոնալ թենիսիստների ասոցիացիայի (ATP) վարկանիշային աղյուսակում՝ US Open մրցաշարի արդյունքներով։
Խաչանովը, որը դուրս է մնացել մրցաշարի երկրորդ փուլում, US Open-ի ավարտից հետո կունենա 3280 վարկանիշային միավոր։ Վերջին ռուսաստանցի թենիսիստը, ով կարող էր նրան շրջանցել, Անդրեյ Ռուբլևն էր, սակայն նա երկուշաբթի օրը չորրորդ փուլում պարտվել է կանադացի Ֆելիքս Օժե-Ալյասիմին։ Մրցաշարի ավարտից հետո Ռուբլևը կունենա 2610 միավոր։
US Open-ը տարվա վերջին՝ չորրորդ Մեծ սաղավարտի մրցաշարն է, որն անցկացվում է հարդային ծածկույթի վրա և կավարտվի սեպտեմբերի 7-ին։ Մրցաշարի մրցանակային ֆոնդը կազմում է ռեկորդային՝ թենիսի համար աննախադեպ 90 միլիոն դոլար։ Գործող չեմպիոնն աշխարհի առաջին ռակետ՝ իտալացի Յանիկ Սիններն է։ Ռուսներից մրցաշարում հաղթել են Մարատ Սաֆինը (2000 թ.) և Դանիիլ Մեդվեդևը (2021 թ.)։
