«Ֆեներբախչեն» պաշտոնանկ է արել Ժոզե Մոուրինյոյին՝ ՉԼ-ի ընդհանուր փուլ դուրս չգալուց հետո:
«Շնորհակալություն ենք հայտնում նրան այն ամենի համար, ինչ նա բերել է մեր թիմ և հաջողություն ենք մաղթում հետագա կարիերայում», - ասվում է ակումբի տարածած հաղորդագրության մեջ:
Ավելի վաղ մասնագետը քննադատել էր «Ֆեներբախչեի» սելեկցիոն աշխատանքը և նոր տրանսֆերների բացակայությունը։
«Եթե ՉԼ-ն կարևոր լիներ ակումբի համար, այն լրացուցիչ ջանքեր կգործադրեր «Բենֆիկայի» հետ խաղերից առաջ: Բայց մենք ունենք նույն կազմը»,- ասել էր Մոուրինյոն։
Մոուրինյոն ակումբը գլխավորում էր 2024 թվականի հունիսից։ 2024/25 մրցաշրջանում թիմը Թուրքիայի առաջնությունում գրավել է 2-րդ տեղը:
Հիշեցնենք, որ թուրքական ակումբը պորտուգալացի մարզչի գլխավորությամբ պարտվել էր «Բենֆիկային» Չեմպիոնների լիգայի փլեյ-օֆֆ փուլում։
