«Ինտեր Մայամին» դուրս է եկել Լիգայի գավաթի եզրափակիչ: Խավիեր Մասկերանոյի թիմը մրցաշարի 1/2 եզրափակչում 3:1 հաշվով հաղթել է «Օռլանդո Սիթիին»:
«Օռլանդոն» Մարկո Պաշալիչի գոլի շնորհիվ 1:0 հաշվով առաջ է անցել ահշվի մեջ, սակայն 75-րդ րոպեին Դավիդ Բրեկալոյի հեռացումից հետո մնացել է 10 հոգով:
77-րդ րոպեին Լիոնել Մեսսին 11-մետրանոցով նախ հավասարեցրել է հանդիպման հաշիվը, ապա 88-րդ րոպեին արգենտինացին դուբլի հեղինակ է դարձել, իսկ ավելացված ժամանակում Տելասկո Սեգովիան խփել է երրորդ գնդակը:
Այսպիսով, «Ինտեր Մայամին» դուրս է եկել Լիգայի գավաթի եզրափակիչ, որտեղ կմրցի «Լոս Անջելես Գելաքսի»-«Սիեթլ Սաունդերս» զույգի հաղթողի հետ:
Ֆլորիդան նրկայացնող ակումբի համար սա վերջին երեք մրցաշարերում երկրորդ եզրափակիչն է:
LIONEL MESSI'S SECOND GOAL FOR INTER MIAMI! THIS GOAL! pic.twitter.com/tym8o5zbfu
— Roy Nemer (@RoyNemer) August 28, 2025
