«Մանչեսթեր Սիթին», «Չելսին» և «Նյուքասլը» ապահովել են Չեմպիոնների լիգայի ուղեգիրը այսօր օրը ֆուտբոլի Անգլիայի առաջնության վերջին տուրից հետո:
38-րդ տուրի խաղում «Մանչեսթեր Սիթին» Իլկայ Գյունդողանի (21-րդ րոպե) և Էրլինգ Հալանդի (72, 11 մետրանոց) գոլերի շնորհիվ արտագնա խաղում 2:0 հաշվով հաղթեց «Ֆուլհեմին»: Նրանք 71 միավորով զբաղեցրին երրորդ հորիզոնականը՝ զիջելով «Լիվերպուլին» (84 միավոր) և «Արսենալին» (74):
«Չելսին» (69 միավոր), որը վերջին տուրում հյուրընկալվելիս 1:0 հաշվով հաղթեց «Նոթինգհեմ Ֆորեսթին», զբաղեցրեց չորրորդ տեղը, իսկ «Նյուքասլը» (66) զբաղեցրեց հինգերորդ տեղը՝ չնայած «Էվերթոնից» կրած տնային պարտությանը:
«Ասթոն Վիլան», որը արտագնա խաղում 2:0 հաշվով պարտվեց «Մանչեսթեր Յունայթեդին» և զբաղեցրեց 6-րդ տեղը (66 միավոր), հաջորդ մրցաշրջանում կխաղա Եվրոպայի լիգայում, իսկ «Նոթինգհեմ Ֆորեսթը» (65) կներկայացնի Անգլիան Կոնֆերանս լիգայում:
