«Ռեալը» և «Բարսելոնան» հավակնում են իրականացնել «Մալագայի» վինգեր Անտոնիտոյի տրանսֆերը: Կատալոնացիները ցանկանում էին նախորդ ամռանը ձեռք բերել Իսպանիայի Մ19 հավաքականի 18-ամյա ֆուտբոլիստին, սակայն «Մալագան» նույնիսկ չի դիտարկել առաջարկը:
Մադրիդցիները նույնպես հարցում են կատարել, ընդ որում՝ Անտոնիտոյի պայմանագիրը նախատեսված է մինչև 2025 թվականի հունիսի 30-ը: Սպասվում է, որ «Մալագան» կարող է համաձայնել ձմռանը վաճառել ֆուտբոլիստին:
Ընթացիկ մրցաշրջանի 13 խաղում Անտոնիտոն խփել է 3 գոլ և կատարել 3 գոլային փոխանցում:
