Սան Մարինոյի հավաքականը տարել է իր պատմության մեջ ամենամեծ հաշվով հաղթանակը: Ազգերի լիգայի 4-րդ տուրում Ռոբերտո Չևոլիի գլխավորած թիմը 3:1 հաշվով հաղթել է Լիխտենշտեյնի ընտրանուն:
Սա թիմի պատմության մեջ ամենախոշոր հաղթանակն է. նախկինում նա երկու անգամ հաղթել էր նույն մրցակցին 1:0 հաշվով: Բացի այդ, Սան Մարինոյի հավաքականը մեկ պաշտոնական խաղում առաջին անգամ մեկից ավելի գոլ է խփել:
Հատկանշական է, որ սանմարինցիները 7 միավորով իրենց խմբում գրավել են առաջին տեղը: Նրանք դուրս են եկել Ազգերի Լիգայի C դիվիզիոն։
Նշենք, որ Սան Մարինոն փոքր պետություն է, որն ունի շուրջ 32 հազար բնակչություն։
