Նեյմարը վնասվածք էր ստացել շարք վերադառնալուց հետո արդեն 2-րդ խաղում: Ասիայի Չեմպիոնների լիգայի ընդհանուր փուլի 4-րդ տուրում «Ալ-Հիլալը» հաղթել է «Էսթեղլալին»:
Սաուդյան ակումբի հարձակվող Նեյմարը խաղադաշտ է դուրս եկել 58-րդ րոպեին և հեռացել 87-րդ րոպեին: Նա վնասել է ազդրի հետևի հատվածը։
Հոկտեմբերին բրազիլացին խաղադաշտ էր վերադարձել ծնկի խաչաձև կապանների վնասվածքից մեկ տարի անց: Բրազիլացին մասնակցել էր «Ալ Այն»-ի հետ հանդիպմանը (5: 4): Երկու խաղերի ընթացքում նա խաղադաշտում անցկացրել է 43 րոպե։
