Այս տարվա Ազգերի լիգայի մրցաշարում տնային վերջին հանդիպումը տեղի կունենա նոյեմբերի 14-ին, Վազգեն Սարգսյանի անվան «Հանրապետական» մարզադաշտում, Հայաստանի հավաքականը կընդունի Ֆարերյան կղզիների ընտրանուն։
ՀՖՖ-ն հաղորդում է, որ սկսվել է տոմսերի վաճառքը։
«Տոմսերը հնարավոր է գնել միայն անձնագրային նույնականացում անցնելուց հետո։ Մեկ անձը կարող է գնել ոչ ավել, քան 4 տոմս։ Նույնականացման համար անհրաժեշտ տվյալները մուտքագրելուց հետո խնդրում ենք սպասել նույնականացման հաստատմանը, որը կատարվում է յուրաքանչյուր օր՝ 10։00-20։00՝ 10-15 րոպեի ընթացքում»,- ասվում է հաղորդագրության մեջ։
Տոմսերի արժեքներն են՝
- Հյուսիսային և Հարավային տրիբունաներ՝ 1000-3000 դրամ
- Արևելյան տրիբունա՝ 5000-8000 դրամ
- Արևմտյան տրիբունա՝ 10000 դրամ
