Հանս-Դիտեր Ֆլիկը տպավորված է «Բարսելոնայի»՝ «Բավարիայի» նկատմամբ տարած հաղթանակով (4:1):
«Մենք հասանք անհրաժեշտ արդյունքի և վաստակեցինք երեք միավոր։ Կարծում ենք՝ հանդիպումը հիանալի ստացվեց։ Առաջին գոլից հետո 10-15 րոպե փոքր խնդիրներ ունեցանք, բայց հաճելի է տեսնել, որ ի վերջո թիմը վերականգնվեց: Մենք երիտասարդ թիմ ունենք, և կարևոր է տեսնել նման բաներ։
Մեր ներուժը շատ ավելի բարձր է։ Մենք փորձում ենք նման բան անել յուրաքանչյուր խաղում, բարելավել մեր խաղը․ սա է մեր նպատակը։
Դա անհավանական է: «Բավարիան» հրաշալի թիմ է՝ ֆանտաստիկ ֆուտբոլիստներով։ Սա հիանալի ձեռքբերում է։ Դա վստահություն է ներշնչում շաբաթ օրը կայանալիք խաղից առաջ», - ասել է «Բարսելոնայի» գլխավոր մարզիչը։
