Ջեք Գրիլիշը կարծում է, որ Եվրո-2024-ում պետք է լիներ Անգլիայի հավաքականի կազմում:
«Մանչեսթեր Սիթիի» վինգերը Գարի Սաութգեյթի կողմից չէր ընդգրկվել մրցաշարի հայտացուցակում, որտեղ Անգլիան եզրափակչում պարտվել է Իսպանիային (1:2):
«Ես անկեղծ կլինեմ ձեզ հետ. խաղադաշտում անհրաժեշտ է հավասարակշռություն յուրաքանչյուր դիրքում, և ես ինձ բավականին փորձառու խաղացող եմ համարում։ Ես շատ տիտղոսներ եմ նվաճել, այնպես որ, եթե դուք հարցնում եք, թե արդյոք ես պետք է գնայի, այո, ես դեռ կարծում եմ, որ պետք է գնայի, բայց, ըստ երևույթին, դա վիճակված չէր», - ասել է Գրիլիշը:
Այն հարցին, թե արդյոք անհրաժեշտություն զգացել է ինչ-որ բան ապացուցել՝ վերադառնալով Անգլիայի հավաքական սեպտեմբերյան խաղերին, նա պատասխանել է. «Իհարկե, ես ուզում էի գալ այստեղ, լավ մարզվել և լավ խաղալ»:
