Մադրիդի «Ռեալի» գլխավոր մարզիչ Կարլո Անչելոտին սոցիալական ցանցերում գրառում է կատարել՝ լուրջ վնասվածքի ֆոնին աջակցելով «սերուցքայինների» պաշտպան Դանիել Կարվախալին:
«Քո էներգիան և վճռականությունը շատ կարևոր են մեր թիմի համար: Մենք գիտենք, որ, ինչպես միշտ, դու կհաղթահարես այս մարտահրավերը։ Մենք սպասում ենք քեզ, Դանի։ Անսահման աջակցություն»,- գրել է Անչելոտին։
Հիշեցնենք, որ 32-ամյա պաշտպանը պատռել էր խաչաձև կապանը «Վիլյառեալի» դեմ Իսպանիայի առաջնության 9-րդ տուրի խաղում (2:0): Կարվախալը վիրահատության կենթարկվի և բաց կթողնի մրցաշրջանի մնացած հատվածը։
