Սպորտ
«Երկրպագուներն արժանի են, որ այս մեծ ակումբը վերադառնա լավագույնների շարք». Գյունդողան
Իլկայ Գյունդողանը հրաժեշտ է տվել «Բարսելոնայի» երկրպագուներին։
Գերմանացի կիսապաշտպանը կատալոնական ակումբում մեկ մրցաշրջանից հետո տեղափոխվել է «Մանչեսթեր Սիթի»:
«Հարգելիներս, ժամանակն է, որ մենք հրաժեշտ տանք մեկ տարի անց։
Ես եկել էի «Բարսելոնա» նոր, հետաքրքիր մարտահրավերի առջև կանգնելու համար և պատրաստ էի դրան։ Ես ամեն ինչ տվեցի, որպեսզի լավագույնս պայքարեմ թիմի և ակումբի համար, և անհամբերությամբ սպասում էի նոր մրցաշրջանում թիմակիցներին օգնելու հնարավորությանը:
Հիմա ես լքում եմ ակումբը բարդ իրավիճակում, բայց եթե իմ հեռանալը կարող է ֆինանսապես օգնել ակումբին, ես չեմ տխրի։
Ես միշտ ցանկացել եմ խաղալ «Բարսայում»․ շատ շնորհակալ եմ հիշողությունների և փորձի համար, որոնք կհիշեմ ողջ կյանքի ընթացքում:
Մաղթում եմ ձեզ ամենայն բարիք այս մրցաշրջանում և ապագայում: Երկրպագուներն արժանի են, որ այս մեծ ակումբը վերադառնա աշխարհի լավագույնների շարք», - գրել է ֆուտբոլիստը:
