2024 թվականի օլիմպիական չեմպիոն ալժիրցի բռնցքամարտիկ Իման Խելիֆը զրկվել է Փարիզում խաղերի փակման արարողության ժամանակ իր ազգային հավաքականի դրոշակակիրը լինելու հնարավորությունից. հայտնում է Associated Press-ը:
Ի սկզբանե ՄՕԿ-ը հայտնել էր, որ Ալժիրի դրոշակակիրը կլինի հենց Խալիֆը՝ Օլիմպիական խաղերի բրոնզե մեդալակիր Ջամել Սեջատիի հետ զուգակցված։ Սակայն փակման արարողության հենց մեկնարկից առաջ նրան փոխել են մարմնամարզուհի Ալիյա Նեմուրի հետ, ով ձողի վրա վարժությունում նվաճել է օլիմպիական ոսկին։
Հիշեցնենք, որ բռնցքամարտի միջազգային ասոցիացիան (ՖԻԲԱ) որակազրկել է Խելիֆին 2023 թվականի աշխարհի առաջնությունում գենդերային թեստը ձախողելու համար:
25-ամյա Խալիֆը 66 կգ քաշային կարգում Օլիմպիական խաղերի եզրափակչում հաղթել է չինացի Յան Լիուին: Եզրափակչի այս հաղթանակը Ալժիրի պատմության մեջ առաջինն էր Օլիմպիական խաղերում կանանց բռնցքամարտի պատմության մեջ:
