Իսպանացի թենիսիստներ Ռաֆայել Նադալն ու Կառլոս Ալկարասը դուրս են եկել Փարիզի Օլիմպիական խաղերի զուգախաղի քառորդ եզրափակիչ փուլ: Մրցաշարի 1/8 եզրափակչում Նադալն ու Ալկարասը 6:4, 6:7 (2:7), [10:2] հաղթել են հոլանդացի Տալոն Գրիքսփորի և Վեսլի Կոլհոֆի դուետին։
Հաղթանակից հետո Ալկարասը և Նադալը էմոցիոնալ գրկախառնվել և շնորհավորել են միմյանց:
Օլիմպիադա-2024-ի կիսաեզրափակիչ դուրս գալու համար Նադալն ու Ալկարասը կմրցեն ամերիկացիներ Ռաջիվ Ռամի և Օսթին Կրայչեկ զույգի հետ:
Օլիմպիական խաղերի թենիսի մրցաշարն անցկացվում է հուլիսի 27-ից օգոստոսի 4-ը: «Ռոլան Գարոսի» կորտերում մասնակիցները մեդալների հավաքածուներ կխաղարկեն հինգ կարգերում՝ կանանց մենախաղ, կանանց զուգախաղ, տղամարդկանց մենախաղ, տղամարդկանց զուգախաղ և խառը:
