Ֆրանսիայի հավաքականի ֆուտբոլիստներ Թուրամն ու Չուամենին ուրախությամբ են ընդունել Ֆրանսիայի ԱԺ ընտրություններում Մարին Լը Պենի կուսակցության պարտությունը։
Նախնական տվյալներով՝ հաղթանակ է տարել «Նոր Ժողովրդական ճակատ» ձախ կուսակցությունների կոալիցիան։ Երկրորդ տեղը զբաղեցրել է Ֆրանսիայի նախագահ Էմանուել Մակրոնի կոալիցիան, երրորդը՝ Լը Պենի «Ազգային միավորումը»:
«Ժողովրդի հաղթանակ», - այս առիթով հայտարարել է Չուամենին սոցիալական ցանցում:
«Շնորհավորում եմ բոլոր նրանց, որոնք դեմ են մեր գեղեցիկ երկրի գլխին կախված վտանգին։ Կեցցե բազմազանությունը, հանրապետությունը և Ֆրանսիան: Պայքարը շարունակվում է», - իր հերթին գրել է Թուրամը։
