Սլովենիա-Հայաստան ընկերական հանդիպմանն ընդառաջ՝ հունիսի 3-ին Լյուբլյանայում կայացել է Հայաստանի ֆուտբոլի ազգային հավաքականի գլխավոր մարզիչ Ալեքսանդր Պետրակովի և թիմի հարձակվող Արթուր Միրանյանի նախախաղային մամուլի ասուլիսը:
Միրանյանը նշել է, որ վերլուծել են մրցակցին, բավականին ուժեղ է, սակայն ունի ինչպես ուժեղ, այնպես էլ թույլ կողմեր: Կփորձեն վաղն օգտագործել նրանց թույլ կողմերը:
Պետրակովի խոսքով՝ դիտել է Սլովենիայի հավաքականի խաղերը, գիտի, որ լավ թիմ ունեն, արժանիորեն դուրս են եկել Եվրոպայի առաջնության եզրափակիչ հատված:
«Մենք լավ հավաք ենք անցկացրել, տղաներից որևէ դժգոհություն չունեմ, նրանք կատարել են իրենց առջև դրված խնդիրները: Մեր նպատակը լավ ֆուտբոլ ցուցադրելն է, լավ ստուգողական խաղ անցկացնելը: Լավ հնարավորություն է փորձարկելու ֆուտբոլիստներին, ստուգելու նրանց պատրաստվածությունն Ազգերի լիգայի սեպտեմբերյան խաղերից առաջ»,- ասել է մարզիչը:
Մանրամասները՝ տեսանյութում։
