Սպորտ
«Իմ ապագան կապված է «Ռեդ Բուլի» հետ, նույնիսկ եթե 250 մլն եվրո առաջարկեն». Ֆերստապեն
«Ռեդ Բուլի» պիլոտ Մաքս Ֆերստապենը պատմել է, թե որ գործոններն են իր համար կարևոր թիմ ընտրելիս:
«Իմ ապագան այս պահին կապված է «Ռեդ Բուլի» հետ։ Նույնիսկ եթե ինձ առաջարկեն 150 մլն եվրո, դա որոշիչ գործոն չի դառնա։ Նույնիսկ 250 մլն եվրոն բավարար չէ, քանի որ ես գոհ եմ, թե ինչքան եմ վաստակում։ Ամենակարևորը արդյունքներն են։
Ես շատ լավ գիտեմ, որ եթե մեջտեղում կախված լինեի, շատ նյարդայնացած կլինեի։ Ինձ համար ամենակարևորը թիմի, բոլիդի մակարդակն է։ Տոտո Վոլֆը նույնպես դա գիտի:
Բայց սպորտում և կյանքում երբեք չեք կարող նախապես իմանալ, թե ինչ է տեղի ունենալու: Ով գիտի, թե որ թիմն է լավագույնը լինելու 2026 թվականին: Հիմա այդ մասին առանձնապես չեմ մտածում, կենտրոնացած եմ ներկայի վրա։ Ցանկանում եմ հաջողության հասնել այս տարի և հաջորդ տարի», - Ֆերստապենի խոսքը մեջբերում է Racingnews365-ը։
