Ավելի վաղ Բրազիլիայի հավաքականի և «Բարսելոնայի» նախկին ֆուտբոլիստը մեղավոր էր ճանաչվել բռնաբարության մեջ և դատապարտվել 4,5 տարվա ազատազրկման: Ֆուտբոլիստի կողմը բողոքարկել է որոշումը։
«Բարսելոնայի» լեգենդների ցանկում ընդգրկվել է 102 ֆուտբոլիստ, որոնք ակումբի կազմում հանդես են եկել հիմնադրման պահից ի վեր տարբեր ժամանակահատվածներում: Անմեղության կանխավարկածի համաձայն՝ «բլաուգրանան» Ալվեսին զրկել է լեգենդի կարգավիճակից միայն դատավճռի պաշտոնական հրապարակումից հետո․ հաղորդում է Diario Sport-ը:
Դանի Ալվեսը «Բարսելոնայում» հանդես է եկել 2008-2016 և 2021-2022 թվականներին: Ընդհանուր առմամբ, նա կատալոնական ակումբի կազմում անցկացրել է 408 հանդիպում և նվաճել 23 տիտղոս:
