«Բարսելոնայի» նախագահ Ժոան Լապորտան զայրացել է Իսպանիայի առաջնության 24-րդ տուրում «Գրանադայի» հետ խաղի (3:3) արդյունքից․ հայտնում է Barça Universal-ը:
Աղբյուրի տվյալներով՝ Լապորտային տեսել են բղավելիս, որը այդ ընթացքում նախագահական օթյակից դուրս է շպրտել խմորեղենի ափսեները։
Նշենք, որ այս պահին «Բարսելոնան» զբաղեցնում է Իսպանիայի առաջնության մրցաշարային աղյուսակի երրորդ հորիզոնականը՝ իր ակտիվում ունենալով 51 միավոր: Առաջատար «Ռեալից» թիմը հետ է մնում 10 միավորով:
Իսպանիայի առաջնության հաջորդ տուրում «Բարսելոնան» կմրցի «Սելտայի» հետ: Հանդիպումը կկայանա փետրվարի 17-ին:
