«Լիվերպուլը» նոր գլխավոր մարզչի փնտրտուքների մեջ է այն բանից հետո, երբ գերմանացի մասնագետ Յուրգեն Կլոպը հայտարարել է մրցաշրջանի ավարտից հետո ակումբից հեռանալու մասին:
Ինչպես հաղորդում է Todofichajes-ը, անգլիական ակումբի հետաքրքրությունների շրջանակում է հայտնվել «Ժիրոնայի» գլխավոր մարզիչ Միչելը: Նրա գլխավորությամբ «Ժիրոնան» հաջող է հանդես գալիս իսպանական Պրիմերայի ընթացիկ մրցաշրջանում և նույնիսկ պայքարում է չեմպիոնական տիտղոսի համար:
Հիշեցնենք, որ հունվարի 26-ին Յուրգեն Կլոպը հայտարարել էր, որ այս մրցաշրջանի ավարտից հետո կհեռանա «Լիվերպուլից»: Գերմանացի մասնագետը հասկացրել է, որ թիմում մարզչական աշխատանքի համար այլևս էներգիա չի մնացել:
