Հունվարի 29-ին ընկերական հանդիպման շրջանակներում Էր Ռիադի «Քինգդոմ Արենա» մարզադաշտում միմյանց դեմ են մրցել Սաուդյան Արաբիան ներակայացնող «Ալ-Հիլալն» ու ամերիկյան «Ինտեր Մայամին»:
10-րդ րոպեին սաուդցիների հարձակվող Ալեքսանդր Միտրովիչը Սերգեյ Միլինկովիչ-Սավիչի փոխանցումից հետո բացել է հաշիվը: Արդեն երեք րոպե անց Աբդուլլահ ալ-Համդանը ամրապնդել է տանտերերի առավելությունը։ 34-րդ րոպեին Լուիս Սուարեսը կրճատել է հաշվի տարբերությունը՝ գրավելով դատարկ դարպասը, սակայն արդեն 10 րոպե անց Մայքլը կրկին վերականգնել է հաշվի տարբերությունը:
Արդեն երկրորդ խաղակեսում՝ 54-րդ րոպեին, Լիոնել Մեսսին դիպուկ է իրացրել 11 մետրանոց հարվածը, իսկ մեկ րոպե անց Մեսսիի հիանալի գոլային փոխանցումից հետո Դավիդ Ռուիսը հավասարեցրել է հանդիպման հաշիվը: Սակայն խաղավերջում՝ 88-րդ րոպեին, Մալկոմը խփել է հաղթական գնդակը և հաղթանակ պարգևել «Ալ-Հիլալին»:
