Այսօր՝ հունվարի 15-ին, Լոնդոնում տեղի կունենա The Best FIFA Football Awards 2023 մրցանակաբաշխությունը:
2023 թվականի լավագույն ֆուտբոլիստի մրցանակի հավակնորդների եզրափակիչ ցուցակում հայտնվել է երեք ֆուտբոլիստ. «Ինտեր Մայամիի» և Արգենտինայի հավաքականի հարձակվող Լիոնել Մեսսին, «Մանչեսթեր Սիթիի» հարձակվող Էրլինգ Հոլանդը և ՊՍԺ-ի ֆրանսիացի ֆուտբոլիստ Կիլիան Մբապեն: Լավագույն մարզչի կոչման համար կպայքարեն Խոսեպ Գվարդիոլան («Մանչեսթեր Սիթի»), Սիմոնե Ինձագին («Ինտեր») և Լուչիանո Սպալետին («Նապոլի», Իտալիայի հավաքական):
Տարվա լավագույն դարպասապահի մրցանակի հավակնորդների թվում են Յասին Բոնոն («Սևիլիա»,«Ալ-Հիլալ»), Տիբո Կուրտուան («Ռեալ») և Էդերսոնը («Մանչեսթեր Սիթի»):
Հիշեցնենք, որ 2022թ. լավագույնն են ճանաչվել Լիոնել Մեսսին (տարվա ֆուտբոլիստ), Լիոնել Սկալոնին (տարվա մարզիչ) և Էմիլիանո Մարտինեսը (տարվա դարպասապահ):
Տարվա լավագույն ֆուտբոլիստուհու կոչման համար կպայքարեն Լինդա Կայսեդոն, Ջենի Հերմոսոն և Այտանա Բոնմատին։
