Իսպանիայի Սուպերգավաթի կիսաեզրափակիչ առաջին խաղում Էր Ռիյադում միմյանց դեմ մրցել են Մադրիդը ներկայացնող երկու թիմերը՝ «Ռեալը» և «Ատլետիկոն»։
Առաջին կեսը ավարտվել է 2-2 հաշվով։ «Ատլետիկոյի» կազմում գոլի հեղինակներ են դարձել Գրիզմանը և Էրմոսոն, իսկ «Ռեալից»՝ Ֆերլան Մենդին և Ռուդիգերը։ Երկրորդ կեսում թիմերը փոխանակվել են մեկական գնդակով՝ նախ ինքնագոլի հեղինակ է դարձել Ռուդիգերը, իսկ արդեն հանդիպման վերջնամասում Կարվախալը հավասարեցրել է այն։
Լրացուցիչ ժամանակում «Ռեալը» ևս երկու գնդակ ուղարկեց «Ատլետիկոյի» դարպասը և դուրս եկավ սուպերգավաթի եզրափակիչ։ Ինքնագոլի հեղինակ դարձավ Սավիչը, իսկ հանդիպման վերջակետը դրեց Բրահիմ Դիասը։
Իսպանիայի Սուպերգավաթի եզրափակիչում «Ռեալը» կխաղա «Բարսելոնա» – «Օսասունա» զույգի հաղթողի հետ։ Հանդիպումը կկայանա այսօր։
